"Aşıq Şəmşir" Mədəniyyət Ocağı Məmməd Aslanın 80 illik yubileyini qeyd edib

"Aşıq Şəmşir" Mədəniyyət Ocağı Məmməd Aslanın 80 illik yubileyini qeyd edib Beynəlxalq Muğam Mərkəzində Aşıq Şəmşir Mədəniyyət Ocağı İctimai Birliyinin təşkilatçılığı ilə şair, tərcüməçi,əməkdar mədəniyyət işçisi Məmməd Aslanın 80 illik yubileyinə həsr olunmuş poeziya gecəsi keçirilib.
Ədəbiyyat
121
27 Dekabr , 2019 21:20
Aşıq Şəmşir Mədəniyyət Ocağı Məmməd Aslanın 80 illik yubileyini qeyd edib
Report

Beynəlxalq Muğam Mərkəzində "Aşıq Şəmşir" Mədəniyyət Ocağı İctimai Birliyinin təşkilatçılığı ilə şair, tərcüməçi,əməkdar mədəniyyət işçisi Məmməd Aslanın 80 illik yubileyinə həsr olunmuş poeziya gecəsi keçirilib. 

"Report" xəbər verir ki, əvvəlcə Məmməd Aslanın həyat və yaradıcılığından bəhs edən videoçarx nümayiş olunub.

Onun ümummilli lider Heydər Əliyevlə həmsöhbət olduğu fraqment tədbir iştirakçılarına göstərilib.

Eyni zamanda videoçarxda İctimai Birliyin sədri Qənbər Şəmşiroğlunun Məmməd Aslanla bağlı xatirələri yer alıb.

Tədbirdə çıxış edən "Azərbaycan Dəmir Yolları" QSC-nin sədri Cavid Qurbanov mərhum şairlə bağlı xatirələrini bölüşüb: "Mən Məmməd müəllimi uşaqlıqdan tanıyıram. O, bizim ailəmizin bir üzvü olub. Kəlbəcərə çox bağlı olan biri olub. Məmməd müəllimin mənim uşaqlıq həyatımda qoyduğu izlər sonradan ictimai həyatda formalaşmağımda rol oynayan amillərdən biridir. O həm də gözəl bir rəssam idi. Bu gün onun çəkdiyi şəkilləri xatirə kimi saxlayıram. Bu gün babamın, nənəmin istifadə etdiyim şəkillərini bir zamanlar Məmməd Aslan köçürüb. Onun xüsusi zarafatları var idi. O eyni zamanda dövlətini sevən adam idi, dövlətçilik və Vətən yolunda canını qurban verməyə hazır bir şəxs idi. Məmməd Aslana Əməkdar mədəniyyət işçisi fəxri adı verilib, eyni zamanda "Şöhrət" ordeni ilə təltif edilib. Onu hamımız xatirəmizdə saxlayacağıq".

Daha sonra Əməkdar mədəniyyət işçisi Ədalət Dəlidağlı "Ruhani" saz havasının müşayiəti ilə Məmməd Aslanın şeirlərini səsləndirib.

Son xəbərlər

Orphus sistemi