Amerikalı yazıçı Robert Ceyms Uoller vəfat edib

Bakı. 11 mart. REPORT.AZ/ "Medison dairəsinin körpüləri" romanı ilə tanınan amerikalı yazıçı Robert Ceyms Uoller 77 yaşında vəfat edib.

"Report" xəbər verir ki, o, uzun sürən xəstəlikdən sonra dünyasını dəyişib.

Uollerin müəllifi olduğu bir sıra kitablar "The New York Times" nəşrinin bestseller reytinqinə düşüb. O, məşhur "Medison dairəsinin körpüləri" romanını 1992-ci ildə yazıb. Kitab 1993-cü ildə bestseller hesab olunub və 40 dilə tərcümə edilib. Bütün dünya üzrə 12 milyondan çox nüsxə satılıb. 1995-ci ildə Klint İstvudun prodüserliyi ilə çəkilən eyniadlı film ekranlara çıxıb.