Yuxarı

Yəməndə gəmi atəşə tutulub, 30-dan çox Somali vətəndaşı ölüb

Yəməndə gəmi atəşə tutulub, 30-dan çox Somali vətəndaşı ölüb
Ölənlər arasında qadınlar və uşaqlar da var

Bakı. 17 mart. REPORT.AZ/ Yəmən sahillərində qaçqınların olduğu gəminin helikopterdən atəşə tutulması nəticəsində azı 31 nəfər ölüb.

"Report" BBC-yə istinadən xəbər verir ki, bu barədə məlumatı BMT-dən də təsdiq ediblər.

Məlumata görə, ölənlər arasında qadınlar və uşaqlar da var. Gəmi Bab-əl-Məndəb boğazında olarkən "AH-64 Apache" hərbi helikopterindəki naməlum şəxslər su nəqliyyat vasitəsinə havadan zərbə endiriblər.

Beynəlxalq təşkilatdan bildiriblər ki, Yəməndən Sudana üzən gəminin sərnişinlərində BMT-nin Qaçqınların işi üzrə Ali Komissarlığının verdiyi sənədlər olub.

"Reuters"in ekipaj üzvlərindən birinə istinadən verdiyi məlumata görə, təxminən 80 miqrant xilas edilib.

Gəmiyə hücum edənlərin kimliyi və hücumun motivləri barədə məlumat verilmir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi