Yuxarı

Türkiyədə konstitusiyaya dəyişikliklərlə bağlı referendumda seçici aktivliyi müşahidə edilir - FOTO - VİDEO

Səsvermə hüququ olan vətəndaşlar seçki məntəqələrinə gələrək səs verirlər

İstanbul. 16 aprel. REPORT.AZ/ Türkiyədə konstitusiyaya dəyişikliklərlə bağlı referendum davam edir.

"Report"un Türkiyə bürosu xəbər verir ki, seçki məntəqələrində böyük aktivlik müşahidə olunur. Səsvermə hüququ olan vətəndaşlar seçki məntəqələrinə gələrək referendumda səs verirlər.

Dövlət başçısı Rəcəb Tayyib Ərdoğanın İstanbulda, Baş nazir Bineli Yıldırım İzmirdə, habelə digər dövlət və hökumət rəsmiləri müvafiq seçki məntəqələrində səs veriblər.

Seçicilər "Report"a müsahibələrində konstitusiyaya təklif edilən dəyişikliklərlə tanış olduqlarını bildiriblər. Onlar qeyd ediblər ki, səsverməyə çıxarılmış dəyişiklikləri dəstəkləyirlər. Referendum ölkə tarixində mühüm əhəmiyyət daşıyır.

Qeyd edək ki, Türkiyədə 55 milyon 319 min 222 seçici qeydə alınıb. Referendumun gedişi və səslərin sayılması 10 partiya tərəfindən izlənilir.

Ölkənin bütün ərazisində səsvermə saat 17:00-da yekunlaşacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi