Bakı. 15 oktyabr. REPORT.AZ/ Böyük Britaniya kraliçasının nəvəsi şahzadə Harri və onun həyat yoldaşı Meqan Markl valideyn olmağa hazırlaşırlar.
"Report" TASS-a istinadən xəbər verir ki, bu barədə Kensinqton Sarayı "Twitter" səhifəsində məlumat verib.
Məlumata görə, cütülüyün ilk övladı 2019-cu ilin yazında anadan olacaq.
Their Royal Highnesses The Duke and Duchess of Sussex are very pleased to announce that The Duchess of Sussex is expecting a baby in the Spring of 2019. pic.twitter.com/Ut9C0RagLk
Dünyaya gələcək uşaq Uels şahzadəsi Çarlz, əmisi şahzadə Uilyam və onun övladları, başqa sözlə, əmiuşaqları Corc (2013), Şarlott (2015), Lui (2017) və nəhayət, atası şahzadə Harridən sonra Britaniya taxtının sayca yeddinci varisi olacaq. O, həmçinin kraliça II Elizabetin yeddinci nəticəsi olacaq.
Xatırladaq ki, şahzadə Harri və Meqan Markl bu il mayın 19-da evləniblər.