Paolo Centiloni İtaliyanın yeni baş naziri təyin olunub

Bakı. 11 dekabr. REPORT.AZ/ İtaliya prezidenti Serco Mattarella ölkənin xarici işlər naziri Paolo Centilonini yeni baş nazir təyin edib.

"Report" "Reuters"ə istinadən xəbər verir ki, Centiloni Nazirlər Kabinetini mümkün qədər tez bir zamanda formalaşdıracağına və əvvəlki hökumətin siyasətinə sadiq qalacağına söz verib.

62 yaşlı Centiloni İtaliya Demokratik Partiyasında əvvəlki baş nazir Rentsinin yaxın silahdaşlarından biridir.

Matteo Rentsi dekabrın 4-də keçirilən konstitusiya islahatlarına dair referendumda məğlubiyyətdən sonra vəzifəsindən istefa verib.