Bakı. 7 oktyabr. REPORT.AZ/ "Metyu" qasırğasından ölənlərin sayı 339 nəfərə çatıb.
"Report" xəbər verir ki, bu barədə "Reuters" yerli dövlət orqanlarına istinadən məlumat yayıb.
Bununla yanaşı, ABŞ-ın Florida ştatında da 10 minlərlə insan işıqsız qalıb. Təkcə Palm-Biçdə 24 min insan elektrik enerjisindən məhrum olub.
"Metyu" 2007-ci ildən sonra Atlantik okeanında ən güclü təbii fəlakət sayılır. Qasırğa Kubanın şərq sahillərinə də böyük ziyan vurub. Lakin hələlik qurbanların sayı barədə məlumat verilmir.
Kubanın hakimiyyət orqanları təbii fəlakət zonasından 1 milyondan çox insanı təxliyə ediblər.
***05:06
Haitinin Cənub Departamentində "Metyu" qasırğasından ölənlərin sayı 283 nəfəri ötüb.
"Report" xəbər verir ki, bu barədə "
Məlumatda bildirilir ki, təbii fəlakət zamanı onlarla insan xəsarət alıb.
Ən çox ölənlər Şantal kommunasının payına düşür. Burada 90 nəfər təbii fəlakətin qurbanı olub. Həmçinin Lez-Anqledə 85 nəfər qasırğa zamanı dünyasını dəyişib.
Təbii fəlakət 35 minə yaxın insanı evsiz-eşiksiz qoyub. Axtarış-xilasetmə işləri davam etdirilir.
Qasırğa ölkənin cənub-qərbindəki Qrand-Ans departamentinin Jeremi şəhərini tamamilə dağıdıb.
***03:49
"Metyu" qasırğası zamanı ölənlərin sayı 261 nəfərə çatıb.
"Report"un məlumatına görə, bu barədə "RİA Novosti" agentliyi xəbər yayıb.
Bundan əvvəlki məlumatda ölənlərin əksəriyyətinin Haiti sakinləri olduğu vurğulanırdı. Bildirilirdi ki, burda 130-dan çox adam təbii fəlakətin qurbanı olub.
Qeyd edək ki, dünən ümumilikdə 140 nəfərin qasırğanın qurbanı olduğu bildirilirdi.