Yuxarı

İŞİD-in Bağdad ətrafına hücumu nəticəsində 7 nəfər ölüb

İŞİD-in Bağdad ətrafına hücumu nəticəsində 7 nəfər ölüb
Yaraqlılar daha 9 dinc sakinin yaralanmasına səbəb olublar

Bakı. 2 may. REPORT.AZ/ Çərşənbə axşamı İŞİD terror qruplaşması yaraqlılarının Bağdad ətrafına hücumları nəticəsində azı 7 nəfər ölüb, daha 9-u isə yaralanıb.

“Report” TASS-a istinadən xəbər verir ki, bu barədə "Al Arabiya" telekanalı məlumat yayıb.

Bildirilir ki, silahlı hücum İraq paytaxtının şimalında yerləşən Ət-Tarmii kəndində törədilib. Yaşayış məntəqəsi bir neçə gün əvvəl güc strukturları əməkdaşları ilə silahlı toqquşmadan sonra ekstremistlərin nəzarətinə keçib.

Hazırda ölənlərin sayı barədə məlumat ilkin xarakter daşıyır. Kanalın ordudakı mənbələrə istinadən yaydığı məlumata görə, yaraqlıların hücumu nəticəsində çoxlu sayda dinc sakin həlak olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi