Yuxarı

Fransada koronavirusdan ölənlərin sayı 2 600 nəfəri ötdü

​Fransada koronavirusdan ölənlərin sayı 2 600 nəfəri ötdü

552

Fransada koronavirusa yoluxanların və ölənlərin sayı durmadan artır.

“Report” xəbər verir ki, bu barədə Fransanın Səhiyyə üzrə baş direktoru Jerom Salomon bildirib. 

O qeyd edib ki, Fransada bu günədək COVID-19 virusundan ölənlərin sayı 2 606 nəfərə çatıb:

“Son 24 saatda ölkədə 262 nəfər dünyasını dəyişib. Bütövlükdə yeddi mindən çox şəxs müalicə olunaraq sağalıb. Fransada COVID-19-a yoluxma hallarının ümumi sayı demək olar ki, 40 200 nəfərdir. Hazırda ölkədə 19 mindən çox virus daşıyıcısı xəstəxanadadır.

Bunlardan təqribən 4 600 nəfəri reanimasiyadadır. Onların üçdə biri 60 yaşdan aşağıdır. Fransadakı xəstəxanalara müraciət edənlərin sayı dünəndən 10% artıb” - deyə, baş direktor bildirib.

Qeyd edək ki, Fransada COVID-19 pandemiyası ilə bağlı karantin müddəti aprelin 15-dək uzadılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi