Bakı. 9 fevral. REPORT.AZ/ BMT baş katibi Pan Gi Mun fevralın 8-də Səudiyyə Ərəbistanına səfər edib. "Report" BMT-nin mətbuat xidmətinə istinadən xəbər verir ki, Pan Gi Mun Səudiyyə Ərəbistanının yeni kralı Salman bin Əbdüləziz ilə görüşü zaman Suriya münaqişəsinin həlli məsələsini müzakirə edib. BMT rəhbəri, həmçinin Suriya və qonşu ölkələr üçün donor dövlətlərin qarşıdakı beynəlxalq konfransı haqqında da xatırladıb.
BMT baş katibi Səudiyyə Ərəbistanı hökumətinin bundan sonra da humanitar məqsədlər üçün vəsait ayıracağına və Suriya münaqişəsinin siyasi həlli yollarının axtarışında köməklik göstərəcəyinə ümidvar olduğunu bildirib.