Bakı. 9 fevral. REPORT.AZ/ Amerika tərəfi radikal "Taliban" hərəkatının təmsilçiləri ilə iyulun 20-də bu ölkədə keçirilməli olan prezident seçkilərinə qədər sülh sazişi bağlamaq istərdi.
“Report” RİA "Novosti"yə istinadən xəbər verir ki, bunu ABŞ-ın Əfqanıstan üzrə xüsusi nümayəndəsi Zalmay Xəlilzad deyib.
"Sazişin bağlanacağı vaxt, zənnimcə belədir – nə qədər tez olsa, bir o qədər yaxşıdır. Seçkilərə qədər saziş əldə etmək çətin olacaq, lakin iyula təyin edilən seçkilərə qədər sülh sazişinə nail olsaq, bu, Əfqanıstan üçün yaxşı olacaq", - deyə o bildirib.