DÇ-2022: Almaniya klubunun hücumçusu Fransa millisinə çağırılıb

Almaniyanın "Borussiya" (Mönhenqladbax) klubunun futbolçusu Markus Türam Qətərdə keçiriləcək dünya çempionatı üçün Fransa millisinə çağırılıb.

"Report" "LEquipe" nəşrinə istinadən xəbər verir ki, baş məşqçi Didye Deşam 25 yaşlı hücumçunu yekun siyahıya daxil etmək qərarına gəlib.

54 yaşlı mütəxəssis daha əvvəl 25 oyunçudan ibarət heyəti təqdim edib.

Qeyd edək ki, Fransa yığması noyabrın 20-dən dekabrın 18-dək təşkil olunacaq mundialda Danimarka, Avstraliya və Tunis ilə birlikdə D qrupunda mübarizə aparacaq.