II Qareginin Dini Liderlərin Qlobal Sammitinə qatılmamasının səbəbi açıqlanıb

Bütün ermənilərin katalikosu II Qareginin Bakıda keçirilən Dini Liderlərin Qlobal Sammitində iştirak etməməsinin səbəbi açıqlanıb.

"Report"un azad olunmuş ərazilərə ezam olunmuş əməkdaşının verdiyi məlumata görə, Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə jurnalistlərə açıqlamasında digər dini liderlərrdən müraciətlər aldığını bildirib.

"Mən də II Qareginin Azərbaycanın ərazi bütövlüyünü tanıyacağı təqdirdə Bakıdakı sammitdə iştirak etməsinin mümkün olacağı məsələsini qaldırdım. Ancaq qarşı tərəfdən cavab gəlmədiyindən biz də onu tədbirə dəvət etmədik", - QMİ sədri vurğulayıb.