​ABŞ səfiri Bakıda iftar süfrəsi təşkil edib - FOTO

Bakı. 22 iyun. REPORT.AZ/ ABŞ-ın Azərbaycandakı səfiri Robert Sekutanın igamətgahında müqəddəs Ramazan ayı münasibəti ilə iftar süfrəsi təşkil olunub.

"Report" xəbər verir ki, tədbirdə millət vəkilləri, Azərbaycandakı dini icmaların təmsilçiləri, ölkəmizdə akreditə olunan diplomatk nümayəndəliklərin rəhbərləri iştirak ediblər.

Tədbirdə çıxış edən səfir Robert Sekuta məclis iştirakçılarına dəvəti qəbul etdiklərinə görə minnətdarlığını bildirib.

Səfir qeyd edib ki, Ramazan Azərbaycan və ABŞ müsəlmanları da daxil olmaqla, İslam aləmi üçün xüsusi bir aydır. O, bu ilin Azərbaycanda multikulturalizm ili elan olunması baxımından da xüsusi əhəmiyyət kəsb eydiyini bildirib.

"Azərbaycan regionda və ondan kənarda mühüm rol oynayır", - deyə ABŞ səfiri əlavə edib.

R. Sekuta qeyd edib ki, Ramazan bayramı sayı 3 milyondan çox olan və 2050-ci ilədək iki dəfə artacağı proqnozlaşdırılan Amerikanın müsəlman icması tərəfindən də qeyd olunur.

Foto: Firi Salim