Yuxarı

Azərbaycan İlahiyyat İnstitunun açılış mərasimi olub

Dinlə
© Report/ Elchin Murad

Bakı. 17 sentyabr. REPORT.AZ/ Azərbaycan İlahiyyat İnstitunun (Aİİ) açılış mərasimi olub.

“Report” xəbər verir ki, mərasimdə Prezident Administrasiyasının Millətlərarası münasibətlər, multikulturalizm və dini məsələlər şöbəsinin müdiri Etibar Nəcəfov, Dini Qurumlarla İş üzrə Dövlət Komitəsinin sədri Mübariz Qurbanlı, Qafqaz Müsəlmanları İdarəsinin (QMİ) sədr müavini Fuad Nurullayev, Milli Məclisin İctimai birliklər və dini qurumlar komitəsinin sədri Siyavuş Novruzov və ölkədə fəaliyyət göstərən dini icmaların rəhbərləri və məsul şəxsləri iştirak ediblər.

Aİİ-nin rektoru Ceyhun Məmmədov əsası ulu öndər Heydər Əliyev tərəfindən qoyulan dövlət-din siyasətinin Prezident İlham Əliyev tərəfindən uğurla davam etdirildiyini, Birinci vitse-prezident Mehriban Əliyevanın rəhbərlik etdiyi Heydər Əliyev Fondunun da bu sahəyə xüsusi qayğı göstərildiyini vurğulayıb. O, Aİİ-nin yaradılmasını Prezidentin dinə, mənəvi dəyərlərə qayğısının ən böyük göstəricilərindən biri olduğunu qeyd edərək bu qərara görə bütün ilahiyyatçılar adından ölkə başçısına təşəkkürünü bildirib.

Prezident Administrasiyasının Millətlərarası münasibətlər, multikulturalizm və dini məsələlər şöbəsinin müdiri Etibar Nəcəfov, Dini Qurumlarla İş üzrə Dövlət Komitəsinin sədri Mübariz Qurbanlı çıxış edərək qeyd ediblər ki, Azərbaycan dövləti din xadimlərini daim diqqət mərkəzində saxlayır, onlara qayğı göstərir.

Tədbirdə iştirak edən digər qonaqlar da çıxış edərək Aİİ-nin yaranması münasibətilə xalqı və institut heyətini təbrik edib, yeni təhsil müəssisəsinin quruculucuğu sahəsində görülən işləri təqdir edərək Aİİ rəhbərliyinin bu böyük məsuliyyətin öhdəsindən uğurla gələcəyinə inamlarını ifadə ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu bölməyə aid digər xəbərlər

Digər xəbərlər>

Xəbər lenti

Bütün xəbərlər


Orphus sistemi