​​​​​​Zelenski Putinə Donbasda görüşməyi təklif etdi

​​​​​​Zelenski Putinə Donbasda görüşməyi təklif etdi Ukrayna Prezidenti Volodimir Zelenski Rusiya Prezidenti Vladimir Putinə Donbasda görüşməyi təklif edib
Digər ölkələr
260
20 Aprel , 2021 23:28
​​​​​​Zelenski Putinə Donbasda görüşməyi təklif etdi
Volodimir Zelenski

Ukrayna Prezidenti Volodimir Zelenski Rusiya Prezidenti Vladimir Putinə Donbasda görüşməyi təklif edib.

Bu barədə “Report” Ukrayna mətbuatına istinadən xəbər verir.

Zelenski bildirib ki, Qərb Ukraynanı maliyyə cəhətdən dəstəkləməyə hazırdır. Ukrayna rəhbəri eyni zamanda Avropanın Rusiyaya qarşı daha sərt sanksiyalar tətbiq etməyə hazır olduğunu vurğulayıb.

"Cənab Putin, mən sizə müharibənin getdiyi Donetskin istənilən nöqtəsində görüşməyi təklif etməyə hazıram", - Ukrayna lideri deyib.

Zelenski eyni zamanda, Ukraynanın cənub-şərqindəki vəziyyətə görə rəsmi Kiyevin Moskvaya qarşı daha sərt sanksiyalar hazırlayan beynəlxalq tərəfdaşlar tərəfindən dəstəkləndiyini söyləyib.

O, qeyd edib ki, rəsmi Kiyev Rusiya qoşunlarının Ukrayna sərhədləri ətrafında yerdəyişməsinə görə narahatdır. Ukrayna müharibə istəmir, amma ona hazırdır.

"Bizim prinsipimiz sadədir: - Ukrayna müharibəni birinci başlamır, amma Ukrayna həmişə sona qədər dayanır", - dövlət başçısı vurğulayıb.

Son xəbərlər

Orphus sistemi