Yuxarı
    Bağlamaq

    ​Yunanıstanda növbədənkənar seçkilərin tarixi məlum olub

    Bu gün ölkədə yeni Nazirlər Kabineti formalaşdırılacağı və andiçmə mərasiminin keçiriləcəyi gözlənilir

    Bakı. 28 avqust. REPORT.AZ/ Yunanıstanda növbədənkənar parlament seçkiləri bu il sentyabrın 20-də keçiriləcək.

    "Report" xarici KİV-ə istinadən xəbər verir ki, bu haqda Yunanıstan Prezidenti Administrasiyasından bildirilib.

    Məlumata görə, avqustun 28-də ölkədə yeni Nazirlər Kabineti formalaşdırılacağı və andiçmə mərasiminin keçiriləcəyi, növbədənkənar seçkinin tarixinin rəsmi şəkildə açıqlanacağı gözlənilir.

    Xatırladaq ki, baş nazir vəzifəsini Vasiliki Tanu-Xrestofilu icra edəcək. O, ölkə tarixində ilk dəfə qadın baş nazirdir. Vasiliki Tanu-Xrestofilu Yunanıstan Ali Məhkəməsinin sədridir. Ona ölkənin müvəqqəti hökumətini qurmaq tapşırılıb.

    Yunanıstanın keçmiş baş naziri Aleksis Tsipras avqustun 20-də özünün və başçılıq etdiyi hökumətin istefa verdiyini elan edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi