Yeni Zelandiya sahillərində 6 maqnitudaya yaxın zəlzələ olub

Bakı. 17 may. REPORT.AZ/ Cümə axşamı Sakit okeanın Yeni Zelandiyanın Kermadek arxipelaqı sahillərində 5,8 maqnituda gücündə zəlzələ baş verib.

“Report” TASS-a istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Bildirilir ki, yeraltı təkanların episentri paytaxt Vellinqtonun 945 km şimal-şərqinə düşüb. Zəlzələnin ocağı 10 km dərinlikdə olub.

Dağıntı və tələfat barədə məlumat yoxdur. Həmçinin sunami təhlükəsi yoxdur.