Yuxarı
    Bağlamaq

    Yəmənin cənub rayonları aviazərbələrə məruz qalıb

    BMT-nin baş katibi Yəmənə qarşı aviazərbələrin yenidən başlanmasından narahatlığını bildirib

    Bakı. 23 aprel. REPORT.AZ/ Səudiyyə Ərəbistanının rəhbərliyi altında yaradılan Koalisiyanın Yəməndə husilərə qarşı apardığı əməliyyatlar davam edir.

    "Report"un RIA "Novosti" agentliyinə istinadən verdiyi xəbərə görə, Səudiyyə Ərəbistanına məxsus döyüş təyyarələri ötən axşam Yəmənin cənubuna 5 aviazərbə endirib.

    Əsas hədəf kimi husilərin nəzarətinə keçən Taiz şəhəri və bu şəhərdə yerləşən hərbi hissə seçilib. Şəhərdə güclü partlayış səsləri eşidilib.Xəsarət alanlar barədə məlumat verilmir.

    Qeyd edək ki, ərəb ölkələri koalisiyası aprelin 21-də Yəməndəki hərbi əməliyyatın sona çatdığını bəyan etmişdi.

    Bu arada, BMT-nin baş katibi Pan Gi Mun Yəmənə qarşı həyata keçirilən aviazərbələrin yenidən başlanması ilə bağlı narahatlığını gizlətməyib: "Atəşkəs rejiminin ən qısa müddət ərzində əldə olunacağına ümid edirəm. Bunu səmimi olaraq söyləyirəm".       

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi