Yuxarı

​Yəməndə "əl-Qaidə" terrorçu qruplaşmasının nüfuzlu lideri öldürülüb

ABŞ hakimiyyəti hesab edir ki, o, yalnız ideoloji deyil, terrorçuluq fəaliyyətilə də məşğul olub

Bakı. 15 aprel. REPORT.AZ/ Yəməndə "əl-Qaidə Ərəb yarımadasında" terrorçu qruplaşmasının nüfuzlu lideri İbrahim əl-Rubayş öldürülüb. "Report" xəbər verir ki, bu haqda "news.ru" saytı məlumat yayıb.

Xəbərə görə, o, ABŞ-a məxsus pilotsuz uçan qurğuların Yəmən sahillərini bombalaması nəticəsində öldürülüb. 

Məlumatda bildirilib ki, əslən Səudiyyə Ərəbistanından olan 35 yaşlı İbrahim əl-Rubayş 2001-2006-cı illərdə ABŞ-ın Quantanamodakı terrorçulara aid həbsxanasında saxlanılıb. Həbsdən buraxıldıqdan sonra o, "əl-Qaidə"nin Yəməndəki bölməsinə qoşulub. İ.əl-Rubayşlə bağlı məlumat verən şəxsə 5 milyon dollar mükafat da vəd olunmuşdu. 

ABŞ hakimiyyəti hesab edir ki, o, yalnız ideoloji deyil, terrorçuluq fəaliyyətlə də məşğul olub. Məlumatda onun terror aksiyalarında iştirak etdiyi də vurğulanıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi