Bakı. 29 oktyabr. REPORT.AZ/ Suriyanın Hələb şəhərinin yaşayış məntəqələri yaraqlıların intensiv atəşinə məruz qalıb.
"Report" RİA "Novosti"yə istinadən xəbər verir ki, intensiv atışma nəticəsində 15 dinc sakin ölüb, 150-dən çox adam yaralanıb.
Hərbçilərin məlumatına görə, təkcə ötən sutka ərzində şəhərə 100-dən çox bomba atılıb.
Yaraqlılar partlayıcı qurğu yerləşdirilmiş qaz balonları, əldəqayırma mina və idarəolunmaz raketlərdən istifadə edib. Onlar əsasən məktəb, xəstəxana və ictimai obyektləri hədəfə alır.