Yaponiyada son iyirmi ildə ilk dəfə 500 yen dəyərində sikkə buraxılıb

Yaponiya Bankı (Mərkəzi Bankı) 500 yen (4,4 ABŞ dolları) dəyərində sikkələri yeni dizaynda zərb etməyə başlayıb.

“Report” TASS agentliyinə istinadən xəbər verir ki, bu barədə bankın saytında məlumat yayılıb.

Sikkənin dizaynı 21 il öncə buraxılmış əvvəlki sikkələrdən fərqlənir. Yeni sikkələr 2 rəngdə və kənarları oymalı şəkildə buraxılıb. Bunun sikkələri saxtalaşdırmadan daha effektiv qoruyacağı bildirilir.

Gələn ilin martında başa çatacaq cari maliyyə ilinin sonunadək 5 milyard yen (43,7 milyon ABŞ dolları) dəyərində, təxminən, 200 milyon ədəd yeni sikkənin zərb ediləcəyi planlaşdırılır. Bununla belə, köhnə sikkələr dövriyyədən çıxarılmayacaq.