Yaponiyada qasırğa 3 nəfərin ölümünə səbəb olub

Bu gün səhər saatlarında Yaponiyanın cənub-qərbindəki Kyuşu adasına çatan güclü “Şanşan” qasırğası nəticəsində azı 3 nəfər ölüb, bir nəfər itkin düşüb.

“Report” xəbər verir ki, bu barədə Yaponiya Nazirlər Kabinetinin baş katibi Yoşimasa Hayaşi Tokioda keçirdiyi mətbuat konfransında bildirib.

Onun sözlərinə görə, əsasən Kyuşuda olan təxminən 237,000 ev təsərrüfatında elektrik enerjisi kəsilib, sürətli yolların 87 hissəsi bağlanıb, “Sinkansen” ekspress qatarlarının hərəkəti isə dayandırılıb.

Bundan başqa son iki gündə Yaponiyada 700-dən çox aviareys ləğv edilib.