Yaponiya gələn il yarımkeçirici istehsalçılarına 2,1 milyard dollar ayıracaq

Yaponiya hökuməti 2025-ci maliyyə ilində (2025-ci ilin aprel - 2026-cı il mart) tədqiqat, təkmilləşdirmə və yarımkeçiricilərin istehsalına dəstək üçün təxminən 332,8 milyard ien (təxminən 2,1 milyard ABŞ dolları-red) ayıracaq.

"Report"un xəbərinə görə, bu barədə "Kyodo" agentliyi məlumat yayıb.

Məlumata görə, İqtisadiyyat, Ticarət və Sənaye Nazirliyi vəsaiti gələn ilin büdcəsinin hazırlanmasında istifadə olunacaq ilkin büdcə sorğusuna daxil edib. Subsidiyaların yarımkeçirici istehsalçısı “Rapidus”a veriləcəyi gözlənilir.