Yuxarı

​Xaker hücumu səbəbindən Varşava aeroportu fəaliyyətini dayandırıb

1400 nəfər hava limanında qalıb

Bakı. 22 İyun. REPORT.AZ/ Ötən gün xaker hücumu səbəbindən Varşavanın Frederik Şopen adına Beynəlxalq Hava Limanı təqribən iki saat fəaliyyətini dayandırıb.

"Report" xəbər verir ki, bu barədə hava limanının "Twitter" səhifəsində məlumat verilib.

Qeyd olunur ki, bazar günü axşam xakerlər Polşanın milli aviadaşıyıcısı olan LOT şirkətinin naviqasiya sisteminə hücum ediblər və bunun nəticəsində də reyslərin həyata keçirilməsi dayandırılıb.

Sistemin iş qabiliyyətini təqribən iki saat sonra bərpa etmək mümkün olub. Hazırda aeroport normal rejimdə işləyir.

"LOT-un naviqasiya sistemi artıq bərpa olunub, uçuş planları yenidən təşkil olunur. Vəziyyət tədricən normasına düşür", - deyə məlumatda bildirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi