WP: Səudiyyə Ərəbistanı və Birləşmiş Ərəb Əmirlikləri İvanka Trampın fonduna 100 milyon dollar ayıracaq

Bakı. 22 may. REPORT.AZ/ Səudiyyə Ərəbistanı və Birləşmiş Ərəb Əmirlikləri ABŞ prezidentinin qızı İvanka Trampın qadın sahibkarlar və kiçik biznes sahibləri üçün nəzərdə tutulan fonduna 100 milyon dollar vəsait ayıracaq.

Bu barədə "Report" "Washington Post"a istinadən xəbər verir.

İ.Trampın sözlərinə görə, onun rolu ABŞ və digər ölkələrdə qadınların imkanlarının genişləndirilməsindən ibarətdir.

Qeyd olunub ki, hazırda formalaşmaqda olan fond Yaxın Şərqdə qadınların maliyyə yardım əldə etməsinin və iqtisadi bazarlara çıxışının asanlaşdırılması məqsədi daşıyır.