Yuxarı
    Bağlamaq

    ÜST: Liberiyada Ebola epidemiyasının qarşısı tam alınıb

    Son 42 gündə yeni yoluxma halları qeydə alınmayıb

    Bakı. 9 may. REPORT.AZ/ Liberiyada Ebola virusunun törətdiyi xəstəlik epidemiyasının qarşısı tamamilə alınıb. "Report" BBC-yə istinadən xəbər verir ki, Ümumdünya Səhiyyə Təşkilatı (ÜST) ölkənin Ebola virusundan azad olunduğunu bəyan edib. 

    Beləliklə, ÜST "Sərhədsiz həkimlər" beynəlxalq təşkilatının məlumatını təsdiqləyib. Məlumata əsasən, Liberiyada son 42 gün ərzində (martın 27-dən) yeni yoluxma halları qeydə alınmayıb. Ötən ilin sentyabr ayında bu ölkədə bu virus hər həftə təxminən 400 nəfərdə aşkarlanıb.

    Afrika ölkələrində yayılan Ebola virusu 11 min nəfərin həyatına son qoyub. Yoluxma halları bu günə qədər Syerra-Leona və Qvineyada qeydə alınır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi