ÜST: Dünyada koronavirusa qarşı 20-yə yaxın vaksin hazırlanır

ÜST: Dünyada koronavirusa qarşı 20-yə yaxın vaksin hazırlanır Hazırda bir neçə ölkə koronavirusa qarşı vaksin hazırlayır.
Digər ölkələr
1424
21 Mart , 2020 17:23
ÜST: Dünyada koronavirusa qarşı 20-yə yaxın vaksin hazırlanır
Getty

Hazırda bir neçə ölkə koronavirusa qarşı vaksin hazırlayır.

“Report” “Kommersant”a istinadən xəbər verir ki, bunu Ümumdünya Səhiyyə Təşkilatına (ÜST) mütəxəssis Mariya Van Kerxouv bildirib.

“Bütün dünyada elmi-tədqiqat mərkəzləri koronavirusa qarşı vaksinlərin hazırlanması üzərində işləri sürətləndirir. Hazırda koronavirusa qarşı ən azı 20 vaksin hazırlanır. Onların ilk kliniki təcrübələri artıq başlayır”, - M.Kerxouv vurğulayıb.

Mətbuat konfransında çıxış edən ÜST-nin Fövqəladə vəziyyətlər üzrə proqramın direktoru Maykl Rayan vaksinin yaradılmasında bütün ehtiyat tədbirlərinə riayət edilməsinin vacibliyini vurğulayıb.

Xatırladaq ki, ötən ilin dekabrında Çinin Uhan şəhərində yayılmağa başlayıb. Hazırda virus 186 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 284 649-ya çatıb. Bunların 93 575 nəfəri sağalıb, 11 842 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib

Son xəbərlər

Orphus sistemi