Uqandada terror aktları törədilib, onlarla insan xəsarət alıb

Uqandanın paytaxtı Kampala şəhərində iki partlayış törədilib.

Bu barədə ”Report” “Anadolu” agentliyinə istinadən xəbər verir.

Qeyd edilir ki, partlayışlardan biri polis idarəsinin, ikincisi isə parlament binasının yaxınlığında olub.

Yerli Səhiyyə Nazirliyinin mətbuat katibi Emmanuel Ainebyunın sözlərinə görə, partlayışlar nəticəsində 24 nəfər xəsarət alıb. Yaralılardan 4-nün vəziyyəti ağırdır.

Hadisələrin başvermə versiyalarından biri kimi terror aktı variantı nəzərdən keçirilir. Uqandada son vaxtlar ictimai yerlərdə hücumlar tez-tez baş verir.