Ukraynanın Çerniqov şəhərinin mərkəzində yaşayış massivinə düşən mərmi dağıntılara səbəb olub

Rusiya silahlı qüvvələri tərəfindən atılan raket Ukraynanın Çerniqov şəhərinin mərkəzində yaşayış massivinə düşüb.

Çerniqovda yaşayan azərbaycanlı professor, keçmiş məhkəmə sədri Sadiq Tağıyev “Report”un Şərqi Avropa bürosuna bildirib ki, şəhər dünən gecə saatlarında raket zərbəsinə məruz qalıb.

Beşmərtəbəli yaşayış binasının bünövrəsinə mərmi düşməsi nəticəsində birinci və ikinci mərtəbədə iki mənzil yanıb, bir qadın xəsarət alıb. S.Tağıyev bildirib ki, hadisə nəticəsində Çerniqov apellasiya məhkəməsinin binası da zərər görüb.

Məlumata görə, Çerniqov şəhərini atəşə tutan rus bölmələri geri oturdulub.

Ukraynanın Çerniqov şəhərinin mərkəzində yaşayış massivinə düşən mərmi dağıntılara səbəb olub