Makronun keçmiş müşaviri bu həftə Türkiyədə səfir kimi işə başlayacaq

Fransa Prezidenti Emmanuel Makronun Avropa və Türkiyə ilə münasibətlər üzrə keçmiş müşaviri olmuş İsabelle Dumont Türkiyə səfiri kimi bu həftə vəzifəsinin icrasına başlayacaq.

“Report” xəbər verir ki, bu barədə “Hürriyət” məlumat yayıb.

O, bu həftə Ərdoğana etimadnaməsini təqdim edəcək.

Bəzi ekspertlərin fikrincə, bu, Türkiyə Prezidenti Rəcəb Tayyib Ərdoğanın Avropa İttifaqı (Aİ) ilə münasibətlərdə yeni səhifə açmaq niyyətinin göstəricisidir.

Qeyd edək ki, İ.Dumont may ayında Türkiyəyə səfir təyin olunub. O, bu vəzifədə Herve Magronu əvəz edib.

Xatırladaq ki, İ.Dumont 2011-2013-cü illərdə Ankara səfirliyində çalışıb.