Türkiyədə yol qəzası baş verib: ölən və yaralananlar var

Bakı. 17 mart. REPORT.AZ/ Türkiyədə bir nəfərin ölümü, bir neçə nəfərin xəsarət alması ilə nəticələnmiş yol qəzası baş verib.

"Report" xəbər verir ki, bu barədə "Habertürk" məlumat yayıb.

Məlumatda bildirilir ki, hadisə Sakaryada qeydə alınıb. Belə ki, minik maşınının arxadan yük avtomobilinə çırpılması nəticəsində 1 nəfər ölüb, 6 nəfər xəsarət alıb. Yaralılardan ikisinin azyaşlı olduğu bildirilir.

Hadisə yerinə hüquq-mühafizə orqanlarının əməkdaşları, təcili yardım və xilasedicilər cəlb edilib. Yaralılar xəstəxanalara yerləşdirilib. 

Hadisənin başvermə səbəbləri araşdırılır.