Bakı. 4 dekabr. REPORT.AZ/ Türkiyədə İŞİD terror qruplaşmasına qoşulmaq istəyənlər saxlanılıb.
"Report"un məlumatına görə, bu barədə "Anadolu" agentliyi xəbər yayıb.
Məlumata görə, bununla bağlı keçirilmiş əməliyyatda Vandan İstanbula göndərilən bir yeniyetmə də daxil olmaqla, 8 nəfər şübhəli şəxs qismində saxlanılıb. Saxlanılanlar İŞİD terror qruplaşmasına qoşulmaq üçün Suriyaya getməyə hazırlaşıblar.
Şübhəlilər barəsində məhkəmə tərəfindən həbs qərarı qəbul edilib. Saxlanılanlardan ikisinin bir ailənin üzvü olduğu bildirilir.