Türkiyə prezidenti dünyanın ən nüfuzlu insanları siyahısında yer alıb

Bakı. 20 aprel. REPORT.AZ/ ABŞ-da işıq üzü görən TIME jurnalı 2017-ci il üzrə dünyanın ən nüfuzlu insanlarının siyahısını dərc edib. Siyahıda bir sıra dünya liderləri və onların məsləhətçiləri, musiqiçilər və kino ulduzları, dünya səviyyəli idmançılar yer alıb.

"Report" xəbər verir ki, dünya liderindən siyahıya ABŞ Prezidenti Donald Tramp, Türkiyə Prezidenti Rəcəb Tayyib Ərdoğan, Rusiya Prezidenti Vladimir Putin, İngiltərə Baş naziri Tereza Mey, Filippin Prezidenti Rodriqo Duterte, Roma Papası Fransisk və s. daxil edilib.

Bu il siyahıya ilk dəfə Donald Trampın iki müşaviri - qızı İvanka və onun həyat yoldaşı Cared Kuşner də daxil olub.