Tümendə avtobusun yük maşını ilə toqquşması nəticəsində 1 nəfər ölüb, 10-dan çox insan yaralanıb

Rusiyanın Tümen vilayətində avtobusun yük avtomobili ilə toqquşması nəticəsində 1 nəfər ölüb, 11 nəfər yaralanıb.

"Report" xəbər verir ki, bu barədə Rusiya mediası Fövqəladə Hallar Nazirliyinin regional idarəsinə istinadən məlumat yayıb.

Bildirilib ki, yol qəzası iyunun 15-i səhər saatlarında R-254 federal yolunun 101-ci kilometrliyində baş verib. İlkin məlumatlara görə, avtobusun sürücüsü öndə hərəkət edən yük maşını ilə toqquşub.

İki nəfər xəstəxanaya yerləşdirilib, qalanları isə tibbi yardım göstərildikdən sonra evə buraxılıb. Qəzanın başvermə şəraiti araşdırılır.