Tramp pandemiyanın səbəblərindən danışdı

ABŞ prezidenti Donald Tramp güman edir ki, COVID-19 pandemiyası Çin Xalq Respublikasında səriştəsizliyə görə başlayıb.

Bu barədə “Report” RİA “Novosti”yə istinadən xəbər verir.

"Nəsə oldu. Ya da onlar dəhşətli səhv etdilər. Ehtimal ki, bu səriştəsizlik idi. Kimsə axmaq olub. Onlar işi necə lazımdırsa elə etmədilər. Çox təəssüf", - Tramp Ağ Evdə jurnalistlərə deyib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Amma xəstələrin və ölənlərin sayı üzrə ən çox zərərçəkən ölkə ABŞ-dır.

Hazırda virus 212 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.