Bakı. 18 oktyabr. REPORT.AZ/ "The Washington Post" qəzeti jurnalist Camal Qaşıqçının İstanbulda itkin düşməsindən az əvvəl yazıb başa çatdırdığı məqaləsini dərc edib.
"Report"un məlumatına görə, jurnalist məqaləsində ərəb dünyasında KİV-in azadlığının aşağı səviyyədə olmasından və xəbərlərin işıqlandırılmasına dövlət təsirini gücləndirilməsindən bəhs edib.
Qaşıqçı həmçinin qeyd edib ki, bir çox ərəb jurnalistləri həmkarlarının çoxsaylı həbsləri barədə susmağa üstünlük verirlər.
"Əl-Masry əl Yorum" qəzetinin bütün tirajının Misir hökuməti tərəfindən ələ keçirilməsi həmkarlar tərəfindən nə qəzəb, nə reaksiya doğurdu", - deyə Qaşıqçı vurğulayıb.
Daha əvvəl KİV bildirib ki, Türkiyənin hüquq-mühafizə orqanları Camal Qaşıqçının Səudiyyə Ərəbistanının İstanbuldakı Konsulluğunda öldürülməsinə dair dəlillər aşkarlayıb.
"The Washington Post" qəzetinin icmalçısı Camal Qaşıqçı oktyabrın 2-də İstanbulda itkin düşüb.