“Taliban” Əfqanıstanda strateji əhəmiyyətli şəhəri ələ keçirdi

“Taliban” Əfqanıstanda strateji əhəmiyyətli şəhəri ələ keçirdi “Taliban” radikal hərəkatı Əfqanıstanın paytaxtından cənubda strateji əhəmiyyətli yaşayış məntəqəsi üzərində nəzarəti ələ keçirib
Digər ölkələr
266
12 May , 2021 02:10
“Taliban” Əfqanıstanda strateji əhəmiyyətli şəhəri ələ keçirdi

“Taliban” radikal hərəkatı Əfqanıstanın paytaxtından cənubda strateji əhəmiyyətli yaşayış məntəqəsi üzərində nəzarəti ələ keçirib.

“Report” xəbər verir ki, bu barədə “Associated Press” agentliyi bildirib.

Qeyd edilir ki, “taliblər” Vardak əyalətində Nirkx dairəsinin rayon mərkəzini nəzarət altına alıblar. Bu dairə əhəmiyyətlidir, çünki paytaxt Kabili ölkənin cənubundakı Qəndəhar əyaləti ilə birləşdirən mərkəzi şose Nirkx dairəsinin rayon mərkəzindən keçir. Xəbərdə döyüşlərin Nirkxdə məhz nə vaxt olduğu açıqlanmır.

"Taliban" bazar ertəsi elan edib ki, müqəddəs Ramazan bayramının qeyd edilməsi ilə əlaqədar Əfqanıstanda döyüş əməliyyatlarını dayandırır.

“Taliblər”lə Əfqanıstanın hökumət qüvvələri arasında döyüş hərəkətləri ABŞ-ın və NATO-dakı partnyorlarının hərbi qüvvələrini Əfqanıstandan çıxarılması fonunda keçirilir. Bu prosesin 11 sentyabr 2021-ci ilə qədər başa çatacağı planlaşdırılır.

Son xəbərlər

Orphus sistemi