“Taliban” Kabil hava limanı üzərində tam nəzarəti təmin etmək niyyətindədir

Avqustun 31-də ABŞ qoşunları ölkədən çıxarıldıqdan sonra radikal “Taliban” hərəkatı Kabil hava limanı üzərində tam nəzarəti öz üzərinə götürəcək.

“Report” TASS agentliyinə istinadən xəbər verir ki, bu barədə “Əl-Cəzirə” telekanalı məlumat yayıb.

Daha əvvəl “Taliban” nümayəndəsi Zəbihulla Mücahid hərəkatın ABŞ qoşunlarının Kabil hava limanından tam çıxarılması ilə bağlı nikbin olduğunu söyləmişdi.