Suriyada HHQ-ə məxsus təyyarə vurulub

Bakı. 26 dekabr. REPORT.AZ/ Suriya ordusu Hama vilayətində ölkənin Hərbi Hava Qüvvələrinə məxsus təyyarənin terrorçular tərəfindən vurulduğunu açıqlayıb.

"Report"un TASS-a istinadən verdiyi xəbərə görə, bu barədə "SANA" agentliyi hərbi mənbəyə istinadən məlumat yayıb.

Məlumata görə, təyyarənin pilotu həlak olub. Təfərrüatlar açıqlanmır.

Bir müddət əvvəl ölkə müxalifəti də Hamada HHQ-ə məxsus təyyarəni vurduğunu bəyan edib.