Yuxarı

Suriya və İraqda İŞİD qurbanlarının 70-dən çox kütləvi məzarı tapılıb

Bu cür basdırılanların sayı 5,2 min - 15 min arasında dəyişir

Bakı. 30 avqust. REPORT.AZ/ Suriya və İraqda İŞİD terror qruplaşmasının qurbanlarının 70-dən çox kütləvi məzarı tapılıb.

"Report" RİA "Novosti"yə istinadən xəbər verir ki, bu barədə "Associated Press" agentliyinin araşdırmasında deyilir.

"Eksklüziv müsahibələr, fotolar və araşdırmalar nəticəsində AP İŞİD terrorçularından qalan 72 kütləvi qəbir aşkarlanması faktını təsdiqləyir... İŞİD-in geri çəkilməsilə daha çox belə məzarların aşkar edilməsi ehtimalı var", - araşdırmada bildirilir.

Agentliyin məlumatına görə, Suriyada 17 kütləvi məzarlıq aşkarlanıb. Qeyd edilib ki, İraqda aşkarlanan 16 kütləvi məzarlıqda basdırılanların sayını müəyyən etmək praktiki olaraq mümkün deyil: onlar çox təhlükəli yerlərdə yerləşir. Rəsmi məlumatlara görə, bu şəkildə basdırılanların sayı 5,2 min - 15 min arasında dəyişir.

Qeyd edək ki, vizual kəşfiyyatla məşğul olan "AllSource Analysis" şirkəti agentliyə peykdən çəkilmiş eksklüziv fotolar təqdim edib. Fotolarda İraqın Mosul şəhəri yaxınlığında yerləşən Baduş həbsxanası ərazisində daha bir kütləvi məzarlığın olduğu aydın görünür. Bu məzarlıqda 600-dən çox məhbusun basdırıldığı güman edilir.

Agentliyin məlumatına görə, terrorçular heç qurbanlarının məzarlarını gizlətməyə çalışmayıb. Məzarlığın ölçüsü iki futbol meydançası boydadır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi