Suriya 10 ildən sonra Səudiyyə Ərəbistanında səfirliyinin fəaliyyətini bərpa edib

Suriya Səudiyyə Ərəbistanı ilə arasında diplomatik əlaqələrin kəsilməsindən 10 ildən çox vaxt keçdikdən sonra həmin ölkədə səfirliyinin fəaliyyətini bərpa edib.

“Report” “İnterfaks”a istinadən xəbər verir ki, bu barədə xarici KİV məlumat yayıb.

Bildirilib ki, Suriyanın baş konsulu İhsan Raman ötən həftə sonu Ər-Riyada gedib və səfirin vəzifəsini müvəqqəti icra etməyə başlayıb (səfir gələnə qədər ölkəsini təmsil edəcək).

Xatırladaq ki, Səudiyyə Ərəbistanı 2011-ci ildə, Dəməşqdə silahlı münaqişə başlayandan sonra səfirini geri çağırıb.