Stoltenberq: Ukrayna münaqişəsi NATO-nun döyüş hazırlığında boşluqları üzə çıxarıb

“Ukrayna münaqişəsi alyansın tezliklə aradan qaldırmalı olduğu NATO qüvvələrinin hazırlığı və qarşılıqlı fəaliyyətində əhəmiyyətli boşluqları üzə çıxarıb”.

“Report” xəbər verir ki, bunu NATO-nun baş katibi Yens Stoltenberq Vaşinqtonda deyib.

“Ukraynadakı müharibənin reallığı təkcə ehtiyatlarımızın və istehsal imkanlarımızın çox aşağı olduğunu nümayiş etdirmədi, həm də qüvvələrimizin qarşılıqlı fəaliyyətində böyük boşluqları nümayiş etdirdi.

Ən məşhur nümunə birgə fəaliyyətə hazır olmalı olan Almaniya-Niderland briqadasıdır. Niderlandın malik olduğu standart 155 mm-lik sursat Almaniyanın haubitsalarında istifadə üçün uyğun olmadı. Bu, qüvvələrin uyğunlaşmasının tam əksidir”, - Stoltenberq bildirib.