Son 3 gündə Aralıq dənizində 204 miqrant boğulub

Bakı. 2 iyul. REPORT.AZ/ Beynəlxalq Miqrasiya iyunun 29-dan iyulun 1-dək Aralıq dənizində 200-dən çox insanın boğulduğunu xəbər verib.

"Report" xarici mətbuata istinadən xəbər verir ki, ayrı-ayrı mənbələrin məlumatına görə, son 3 gündə Liviya sahillərində 204 miqrant batıb.

Qeyd edilir ki, onlardan 103-ü cümə günü – iyunun 29-da baş verən gəmi qəzasının qurbanı olublar. Buna oxşar daha bir hadisə bazar günü – iyulun 1-də baş verib. Lakin təşkilat həlak olanların dəqiq sayını açıqlamır. Yalnız 41 nəfəri xilas edildiyi xəbər verilir.

Bununla da bu il dənizdə boğulan miqrantların sayı 1000 nəfəri ötüb.