Xüsusi müstəntiqlər Cənubi Koreyanın vəzifəsindən kənarlaşdırılmış prezidentini dindirəcək

Xüsusi müstəntiqlər qrupu Cənubi Koreyanın vəzifəsindən kənarlaşdırılmış prezidenti Yun Sok Yolu dekabrın 18-də dindirməyə çağırmağı planlaşdırır.

“Report” xəbər verir ki, bu barədə “Yonhap” agentliyi məlumat yayıb.

Dekabrın 14-də parlament hərbi vəziyyətin tətbiqi ilə əlaqədar Yun Sok Yola qarşı impiçment elan edib və bu, onun səlahiyyətlərinin dayandırılması ilə nəticələnib.

İndi Konstitusiya Məhkəməsi impiçmentin təsdiqlənməsi və ya Yun Sok Yolun vəzifəsinə bərpa olunması barədə qərar verməlidir. O, konstitusiya quruluşunu devirmək üçün fitnə törətməkdə şübhəli bilinərək araşdırılır.