Şarl Mişel: "Aİ və ASEAN arasında daha sıx əməkdaşlıq üçün addımlar atılır"

Avropa İttifaqı Cənub-Şərqi Asiya ölkələri liderlərinin zirvə toplantısı çərçivəsində ASEAN ölkələri ilə daha sıx əməkdaşlıq istiqamətində tarixi addımlar atır.

"Report" xəbər verir ki, bunu Avropa İttifaqı Şurasının Prezidenti Şarl Mişel tviterdə qeyd edib.

"Məni Pnompendə Şərqi Asiya sammitində çıxışa dəvət etdiyinə görə Baş nazir Hun Senə təşəkkür edirəm. Biz Kamboca və bütövlükdə regionla əlaqələri yaxşılaşdırmaq üçün çox çalışırıq", - Mişel bildirib.

Qeyd edək ki, ASEAN liderlərinin sammiti 8-13 noyabr 2022-ci il tarixlərində Pnompendə “Problemləri birlikdə həll edin” devizi altında keçirilir.