Salvadorda 14 polis və 4 keçmiş polis əməkdaşı 48 qətl işi üzrə saxlanılıb.
"Report" xarici mətbuata istinadən xəbər verir ki, bu barədə ölkənin baş prokuroru Raul Melara jurnalistlərə bildirib.
"Biz Morasan, San-Miqel departamentlərində üzvləri 48 qətl törətmiş, aralarında 14 polis, 4 keçmiş polis əməkdaşı olan cinayətkar şəbəkənin fəaliyyətinə son qoyduq, onların hamısı tutulub", - deyə o bildirib.
Salvador Latın Amerikasnın qətllər və zorakılıq hadisələrinin çox olduğu ölkələrindən biridir. Hakimiyyət cinayətlərlə mübarizə üzrə xüsusi plan hazırlayıb.