Rusiya və Qazaxıstan prezidentləri Xəzər sammitinə hazırlıqları müzakirə ediblər

Bakı. 23 iyul. REPORT.AZ/ Rusiya və Qazaxıstan prezidentləri Vladimir Putin ilə Nursultan Nazarbayev arasında telefon danışığı baş tutub.

"Report" Kremlin saytına istinadən xəbər verir ki, söhbət zamanı Avrasiya İqtisadi Birliyi çərçivəsində qarşılıqlı əməkdaşlıq və avqustda Aktauda keçiriləcək Xəzər sammitinə hazırlıq məsələləri müzakirə edilib.

Ölkə başçıları həmçinin beynəlxalq gündəmdəki bir sıra aktual məsələlər barədə fikir mübadiləsi aparıblar.