Rusiya Təhlükəsizlik Şurasının katibi: "Əl-Qaidə"nin dünyanın 80 ölkəsində yuvası var"

Bakı. 26 dekabr. REPORT.AZ/ "Əl-Qaidə" beynəlxalq terror qruplaşmasının dünyanın 80-dən çox ölkəsində, o cümlədən ABŞ və Kanadada yuvası var".

"Report" xəbər verir ki, bunu Rusiya Təhlükəsizlik Şurasının katibi Nikolay Patruşev "Arqumenti i faktı" qəzetinə müsahibəsində bildirib.

"Terrorçuların rəhbərləri əvvəlki dominantlıq məkanlarında məhv olacaqlarını anladığından taktikanı dəyişiblər. Dünyanın müxtəlif ölkələrində terror yuvalarının yaradılmasına və radikal ideologiyanın yayılmasına üstünlük verilir. Təkcə "Əl-Qaidə"nin dünyanın 80-dən çox ölkəsində, o cümlədən ABŞ və Kanadada yuvası var", - N.Patruşov deyib.