Rusiya ABŞ-ın Suriya ilə bağlı BMT TŞ-yə təqdim etdiyi sənədə veto qoyub

Bakı. 11 aprel. REPORT.AZ/ Rusiya ABŞ-ın Suriyada güman olunan kimyəvi hücumun araşdırılması üçün yeni mexanizmin yaradılmasına dair BMT Təhlükəsizlik Şurasına təqdim etdiyi qətnamə layihəsinə veto qoyub.

“Report” xəbər verir ki, Şuranın 12 üzvü sənədin lehinə, Rusiya (BMT-nin daimi üzvü) və Boliviya əleyhinə səs verib, Çin isə bitərəf qalıb.

Rusiyanın BMT-dəki daimi nümayəndəsi bildirib ki, təklif olunan layihənin araşdırmaların müstəqil aparılması ilə heç bir əlaqəsi yoxdur.